Mən bilmədim sına bilər, yana bilər,
Mən ürəyi ürək kimi saxlamadım.
Nə biləydim buz baxışdan dona bilər,
Mən ürəyi ürək kimi saxlamadım.

Dərd dağının külüng çalan Fərhadıyam,
Tüstüsüyəm, dumanıyam, fəryadıyam,
Öz qəlbimin qaniçəni, cəlladıyam,
Mən ürəyi ürək kimi saxlamadım.

Mən ürəyi ürək kimi saxlamadım.
Yağ içində böyrək kimi saxlamadım,
Hey əritdim, hey çürütdüm, hey qanatdım,
Saxlamadım, saxlamadım, saxlamadım.

Hönkürən dağ döşündən qaya qopdu,
Ağlayanda boş-boşuna ağlamadım
Mən ürəyi ürək kimi saxlamadım,
Saxlamadım, saxlamadım, saxlamadım.

- Zəlimxan Yaqub ✒